„Тајм аут“ со топ листа на 30 најубави места во светот за 2023: На врвот е град во Црна Гора
Списанието „Тајм аут“ ја претстави својата листа од 30 најубави места во светот за 2023 година. На прво место е Котор, Црна Гора.
Препорачано
-
1
-
2
-
3
Истакнувајќи дека изборот на најубавите места во светот не е лесна задача, од „Тајм аут“ навеле дека локациите од списокот на најубави ги избрала мрежата на светски патеписци кои ја искусиле убавината на секое место што се нашло на списокот. Така, првото место му припадна на Бокакоторскиот залив во Црна Гора каде, како што е опишано, „Јадранското Море во тесните премини на стрмните Динарски Алпи“ ја обликува Бока Которска.
– Овде, сместен меѓу вода и карпи, се наоѓа триаголниот, средновековен стар град Котор, со својата тврдина којашто ѝ пркоси на гравитацијата, и која се движи цик-цак по карпите горе – наведува соработникот на „Тајм аут“ – Пол Стафорд.
На второто место на листата се најде Исланд, а потоа следуваат Ерг Чеби во Мароко, Мон-Сен-Мишел во Франција, Големата џамија на шеикот Зајед во Абу Даби, како и Ела во Шри Ланка.
