Македонската таеквондистка Милијан Рељиќ беше петтопласирана на Европскиот Президент Купот во Софија, Бугарија.

Нашата натпреварувачка беше блиску до освојување на медал во својата категорија -62 кг. во конкуренција од 36 таеквондистки.

На стартот Рељиќ триумфираше против Лена Динковиќ од Хрватска со 2:0 во рунда, а во второто коло ја совлада и Алејна Семнјурт од Турција (2:0).

Во борбата за медал Рељиќ со 2:1 во рунди претрпе пораз против Хрватката Ивана Арелиќ.

Според нејзиниот тренер Александар Ефтимов, во третата рунда пртив Арелиќ, на помалку од две секунди пред крајот при резултат 6:6 и предност на Милијана поради освоени поени со удар во глава, судиите доделија три поени на противничката за кои електронскиот автоматски систем претходно не ги регистрираше затоа што и немаше удар во глава.

– Бевме многу оштетени во борбата за медал. Сепак, ова беше единствен Г-3 натпревар во Европа и освоивме дополнителни 6.40 поени за светската и олимписката ранг листа – вели Ефтимов.

Следниот настап на меѓународната сцена Рељиќ ќе бидеј Солун Г-1.