Жртвите на пејџер и воки-токи експлозиите во Либан оваа недела сериозно го нарушија и онака кревкиот здравствен сектор во земјата, изјави денеска шефот на Светската здравствена организација (СЗО), Тедрос Аданом Гебрејесус, пренесе N1.

СЗО соопшти, повикувајќи се на податоци од либанските власти, дека 37 луѓе загинале, а повеќе од 3.000 се ранети во тие експлозии на комуникациски уреди во области кои се сметаат за упоришта на екстремистичкиот Хезболах.

„Тие настани сериозно го нарушија и онака чувствителниот здравствен систем“, рече на прес-конференција генералниот директор на СЗО Габрејесус, додавајќи дека се дистрибуирани залихи со крв и опрема за повредените во Либан.

„Целиот здравствен систем се најде под огромен притисок многу, многу брзо“, рече шефот за итни случаи на СЗО, Мајк Рајан, на истата конференција.