Првиот натпревар од третото квалификациско коло во Лигата на шампионите меѓу АЕК Атина и Динамо Загреб е одложен поради навивачки нереди во кои загина едно лице, навивач на АЕК. И пред овој натпревар на навивачите на Динамо им беше забрането да доаѓаат на стадионот во Атина, но сепак заминаа во Грција и направија хаос ден пред натпреварот.

Еве што пишуваат и реагираат за тоа едни од најпознатите светски спортски медиуми:

– Натпреварот меѓу АЕК и Динамо беше одложен поради смртта на грчки навивач во нападот на хрватските навивачи. Треба да се нагласи дека Хрватите веќе се санкционирани за слични нереди, на пример во Лигата на нации. По жестоките судири, едно лице го загуби животот, а уште осум се во болници со тешки повреди – пишува „Марка“.

– Грчки навивач е избоден до смрт при судир со навивачи од Хрватска кои го поддржуваат Динамо Загреб – пишува угледниот француски весник „Л’Екип“.

– Драма во Атина пред натпреварот меѓу АЕК и Динамо Загреб. Грчки навивач е избоден до смрт во судир со хрватски навивачи, кои дошле вооружени во Атина – пишува „РМЦ Спорт“.

– Навивач на АЕК беше брутално избоден до смрт по тепачка со хрватски навивачи. Вечерта заврши со 83 апсења – пишува „Мундо Депортиво“.

ВИДЕО | Трагедија во Атина: Навивач на АЕК загина во судир со „Бед Блу Бојс“

– Навивачите на Динамо убија навивач на АЕК, натпреварот е одложен – пишува „Гаѕета дело Спорт“.

– Трагедија во грчката престолнина ноќта пред натпреварот: Навивач на АЕК е избоден до смрт во герилска војна против навивачите на Динамо, кои ги имаше околу 200 – пишува „Тутоспорт“.

– Навивач загина во големите нереди во Атина. Беше избоден до смрт, иако на навивачите на Динамо не им беше дозволено ниту да дојдат на натпреварот – пишува германски „Кикер“.

– Навивач на грчки клуб беше избоден до смрт од хулигани. Грчкиот фудбал е во шок, мечот е одложен поради оваа трагедија. Навивачите на Динамо и АЕК се непријатели и во минатото неколкупати се судриле на улиците – пишува „Билд“.