Несомнено е дека Македонија има диџеј и продуцент од светски размер кој веќе е докажан како еден од најдобрите диџеи од овој дел од Европа- Александар Галоски.

Доказ за тоа е меѓудругото напорната работа, многу нови изданија и постојаната поддршка од неговите колеги во светот, како David Guetta,Tiesto, Martin Garrix, Afrojack, Don Diablo, Oliver Heldens.

На нашиот Галоски овој пат поддршката му стигна од Холандија, и тоа ни помалку ни повеќе, туку од еден од најголемите и најбарани диџеи на сите времиња, нарекуван уште и “The Godfather of EDM” – TIËSTO!

Галоски викендов ја објави преработката за ‘Lose You’,  тема која беше дел од “The London Sessions” албумот кој Tiësto го објави во мај годинава, а премиерно и со бројни комплименти од страна на големиот светски диџеј беше емитувана во неговата радио емисија “Tiësto – Club’s Life”, која се емитува на сите реномирани радио станици ширум светот.

Велат дека доколку го работиш она што го сакаш со многу љубов и трпение, целта секогаш ги оправдува средствата. Па така периодот на пандемија за нашиот најпознат македонски диџеј и продуцент беше и тоа како продуктивен и со многу нови музички изданија.

Па така, последното издание на Галоски насловено како ‘Want You Back’ буквално руши рекорди по светските денс топ листи, а синглот се вброи и во официјалната глобална денс топ листа, како и во најдобрите топ денс музички изданија на Европа Плус најголема радио станица во Русија.