Продолжуваат головите сезонава во најсилното шпанско првенство од страна на македонскиот репрезентативец.

Енис Барди во рамките од 32 коло во „Ла Лига“ на домашен терен го постигна вториот гол за Леванте за зголемување на предност од 2:0.

Нашиот интернационалец во 36 минута убаво си изгради простор и шутираше со левата нога, прецизно стрелаше во мрежата на Роблес.

За него ова е вкупно четврти погодок во шампионатот, претходно реализираше и против Еспањол, Гранада и Реал Сосиедад.

Водечкиот погодок беше дело на екс играчот на Реал Мадрид, Мајорал во 22 минута од средбата.