Српските студенти објавија на својот официјален Инстаграм профил дека во сабота, 20 септември, денот на воената парада во Белград, ќе организираат митинг во поддршка на оние „кои се на првите линии на одбраната на нашата земја“, објави Н1.

Студентите рекоа дека наскоро ќе објават повеќе информации, но дека во сабота, на 20 септември, ќе им дадат поддршка на војниците што учествуваат на воената парада во Белград.

„И покрај обидите за ослабување и деградирање на Српската армија, таа продолжува да преживува преку својата бројност и преку верата на луѓето што ја сочинуваат. Нашата задача е да покажеме дека стоиме со нив, мирно и достоинствено, верувајќи дека вистинската сила лежи во народот и војската што им припаѓа“, рекоа студентите.