В четврток на стадионот „Шукру Сараџоглу“ во Истанбул со почеток од 18.45 часот македонскиот судија Александар Ставрев ќе дели правда на натпреварот од последното шесто коло во Конференциската лига помеѓу Фенербахче и Трнава од Словачка.

На Ставрев помошници ќе му бидат Дејан Костадинов и Гоце Петрески, а четврти судија е Ивана Пројковска.

Токму последното коло ќе одлучи кои две екипи од групата „Х“ ќе одат во нокаут-фазата, првопласираната ќе обезбеди директно место во осминафиналето, а второпласираната во плеј-офот, односно 1/16 финалето.

Моментно води данскиот Нордсјеланд со 10 бодови, кој ќе му гостува на бугарскиот Лудогорец кој има девет бодови колку и третопласираниот Фенербахче, а последна е отпишаната Трнава со еден бод.

За Фенербахче може да биде биде доволен и бод, но само доколку Лудогорец загуби од Нордсјеланд, откако на првиот меѓусебен дуел минатиот месец Турците загубија од Бугарите со 2:0.

Данскиот претставник може да биде елиминиран со победи на Лудогорец и Фенербахче.