Јувентус подготвува нов голем шок за Наполи чии резултати сезонава не се најдобри и од редовите на ривалот ќе се обиде да го ангажира напаѓачот Дрис Мертенс, пишува „Калчомеркато“.

Договорот на Мертенс со клубот од Неапол истекува на крајот од сезоната, досега нема никакви најави за продолжување на соработката, но и никој не очекуваше за евентуална опција за заминување во Торино.

Белгискиот крилен напаѓач во изминатиот период се поврзуваше со трансфер во Интер и Рома, но сега „Старата дама“ е прва во редот за потписот на 32-годишниот фудбалер.

Слична ситуација видовме неодамна кога Дејан Кулушевски веќе го гледаа во дресот на Интер, но на крајот заврши во Торино.

Сега на „мета“ на италијанскиот шампион е вториот најдобар стреелц во историјата на „наполитанците“ (три голови помалку од Марек Хамшик), па заминувањето на Мертенс во Јуве би бил нов болен удар за навивачите, сличен со оној на Гонзало Игуаин.