Не е лесно да се загреете кога температурите се толку ниски, особено ако сакате да изгледате малку поелегантно и да избегнувате да носиме спортски или секојдневни чизми кои се обложени со крзно. Но, постои едноставно решение – стар руски трик што некогаш го користеле нивните војници, а кој ќе ви помогне да ги загреете нозете, дури и кога надвор е многу студено. Станува збор за домашна „изолација“ за чевли, пишува „Блиц“.

Најпрво, важно е да не носите тесни чевли или чизми во сред зима, би било идеално да бидат и за половина број поголеми. Кога вашите стапала немаат простор за „дишење“, односно кога чевлите ви се тесни, циркулацијата на крвта е отежната и воздушниот слој исчезнува.

А тука е руската воена метода која е лесна, брза и евтина и со која нема зима – докажано е дека функционира. Имено, под оригиналната влошка од чизми, потребно е да се додаде уште една – онаа од кујнска алуминиумска фолија.

Можете да купите и специјална рефлектирачка алуминиумска фолија, која се купува во продавниците за градежни материјали, а која дава уште подобар ефект. Сепак, обичната фолија, исто така, ќе биде добра. Нацртајте форма на фолијата следејќи ја формата на оригиналната влошка, а потоа исечете ја.

Главната работа е да ја ставите влошката на фолијата пред оригиналната, бидејќи фолијата треба да го изолира студот што доаѓа од ѓонот. Ако го направите спротивното, може да се формира кондензација, па вашите стапала ќе се потат.

Уште подобар совет е да ја замените оригиналната влошка со нова – од филц. Ова ќе го комплетира овој трик, дури и ако тоа не е задолжителен или клучен чекор.