Играч од Флорида освоил џекпот од 1,58 милијарди долари на лотаријата „Мега милиони“ (Mega Millions), пренесува „Њујорк пост“ (Nypost).
Синоќа во историското извлекување, биле извлечени броевите 13, 19, 20, 32, 33 и специјалниот број 14.

Добитникот може да избере помеѓу наплата на 1,58 милијарди долари преку ануитет, со исплати во текот на 30 години или да се одлучи за паушална исплата во готовина од 783,3 милиони долари.

Ова е најголемата џекпот награда во историјата на „Мега милиони“ (Mega Millions), за малку надминувајќи го претходниот максимум од 1,537 милијарди долари што отиде во Јужна Каролина во 2018 година, соопшти лотаријата.

Билетот вреден милијарди долари бил продаден во супермаркет „Пабликс“ (Publix) во Нептун Бич, Флорида. Извлекувањето на џекпот во вторникот е третата по големина награда во историјата на лотаријата.

Лотаријата „Мега милиони“ (Mega Millions) се игра во 45 американски држави, во областа Колумбија и во Американските Девствени Острови.