За луѓето кои живеат со срцеви заболувања или фактори на ризик како што е висок крвен притисок, високите температури можат да бидат особено опасни, а климатските промени ги прават почести.

Во екстремна топлина, човечкото тело работи напорно за да ја регулира температурата, а главниот механизам е потењето. Ова значи циркулација на поголема количина крв на површината на вашата кожа, пишува „Харт енд строук“ (Heart and stroke).

„Ова дополнително го оптоварува вашето срце. Мора посилно да пумпа за да се ослободи од таа топлина“, рекла Кели ван Хојгтен, медицинска сестра и менаџер на програмата за срце во здравствениот тим на организацијата „Срце и мозочен удар“.

„Ова може да доведе до дехидратација, особено кај прекумерното потење. И може да се манифестира со симптоми како што се грчеви, исцрпеност и топлотен удар.“

Прв приоритет: Одржување на ладење

Преземете ги овие чекори за да спречите болести поврзани со топлината.

Бидете подготвени. Стекнете навика да ја проверувате локалната прогноза или апликацијата за временска прогноза за да можете да планирате однапред. Одржувајте го својот дом ладен.
Затворајте ги прозорците и ролетните во текот топлите денови; ако немате клима-уред, отворете ја вратата навечер за да влезе постуден воздух.
Останете хидрирани. Пијте вода во текот на целиот ден, по можност чаша вода на секој час.

„Ако чекате додека не почувствувате жед, може да биде предоцна. Пијте вода, избегнувајте шеќерни пијалоци и сокови“, истакнала Ван Хојтген.

Помалите, почести оброци ќе бидат полесни за варење. Содржината на вода во овошјето како лубеница, праски и јагоди може да ви помогне да останете хидрирани.

Избегнувајте го шпицот. „Им кажуваме на нашите пациенти да не бидат на сонце помеѓу 11:00 и 15:00 часот“, навел фармацевтот Ријад Вилијамс.
Побарајте сенка или останете внатре ако можете, со вентилатор или клима-уред. Ако немате пристап до клима-уред, размислете за посета на јавна библиотека, трговски центар или друго разладено место.
Планирајте физичка активност, вклучувајќи градинарство и прошетки, за утринските или вечерните часови. Облечете се соодветно.

„Светлата и широка облека може да ви помогне да се чувствувате удобно“, навела ван Хојтген.

Заштитете се од сонцето. Носете шешир и очила за сонце (со УВА и УВБ заштита) кога сте надвор. Заштитете ги рацете со лесни долги ракави и често нанесувајте крем за сончање на изложената кожа.
Пронајдете начини да се разладите. Влажна крпа или спреј може да помогне во ладењето на кожата. Или обидете се со млак туш. Избегнувајте ладни тушеви, кои можат да ги стеснат крвните садови и да го забават губењето на топлина.
Следете го своето здравје. Симптомите поврзани со топлината, како што се вртоглавица и главоболки, може да ве изненадат. Бидете пред нив така што ќе правите чести паузи од активностите и да останете хидрирани.

Знаци на опасност на кои треба да обрнете внимание

Екстремните горештини може брзо да ве дехидрираат, особено во текот на физичка активност. Знаците вклучуваат силна жед и недостаток на мокрење, темножолта урина, замор, вртоглавица или конфузија. Одморете се и пијте вода за да ја надоместите течноста.

Топлинската исцрпеност и топлотниот удар се посериозни состојби. Бидете внимателни на овие знаци кај себе и кај другите.

И покрај своето име, топлотниот удар не е поврзан со сончаницата.

„Ова е генерално резултат на губењето на вода поради прекумерното потење. Тргнете се од топлината и преземете чекори за брзо ладење и рехидрирање“, објаснила Ван Хојгтен.

Симптомите вклучуваат:

– обилно потење
– слабост
– вртоглавица
– гадење
– главоболка
– забрзано дишење и отчукувања на срцето
– екстремна жед (сува уста или леплива плунка)
– намалено мокрење (урината може да биде темножолта)

Топлотниот удар е многу сериозна состојба и бара стручна помош.

„Ова значи дека регулацијата на телесната температура откажала“, истакнала ван Хојгтен.

Веднаш јавете се на вашиот локален број за итни случаи ако вие или некој со вас ги доживее овие симптоми во екстремна горештина:

– Кожата е топла и сува, не е испотена и може да биде црвена конфузија и вознемиреност или замор, вртоглавица или несвестица, забрзан срцев ритам, гадење, повраќање, дијареја (пролив), главоболка.

– Преместете го лицето на ладно место додека чекате помош. Натопете ја кожата со ладна вода и со лепеза опуштете ја за да ја намалите топлината. Ќесите со мраз можат да помогнат – ставете ги на препоните или под пазувите.