Селекторот на италијанската фудбалска репрезентација Лучијано Спалети изјави дека сегашната репрезентација на Италија нема креативни играчи како легендарните Роберто Баџо, Алесандро Дел Пјеро или Франческо Тоти. Сепак, Спалети истакна дека тимот поседува високо ниво на колективна игра и приспособливост.

0 Во моментов немаме играчи со исклучителни вештини како Баџо, Дел Пјеро или Тоти, но имаме многу фудбалери со различни способности кои се подготвени да се жртвуваат за заедничката кауза и да работат заедно како едно. На натпреварот против Франција нашите играчи не беа само тим, туку вистински браќа. Ова е клучот за надминување на тешкотиите – изјави Спалети за италијанските медиуми.

Минатиот петок во Лигата на нации од А сегментот Италија славеше на гостувањето кај Франција со 3:1. Селекторот додаде дека планира промени во составот за претстојниот натпревар против Израел во рамките од второто коло.

– Има замор и не можеме да го користиме истиот состав од натпреварот со Франција. Очекувајте промени – додаде Спалети на прес-конференцијата пред натпреварот.

Според италијанските медиуми, Мојс Кин треба да стартува во нападот, а Федерико Гати најверојатно ќе го замени повредениот Рикардо Калафиори.