Советот за безбедност на Обединети нации синоќа не ја одобри руската резолуција во која се нагласуваа растечките хуманитарни потреби на Украина, но без да се спомене руската инвазија што ја предизвика кризата.

За усвојување на резолуција потребни се најмалку девет гласа во вкупно 15 членови, и да нема вето од останатите четири члена со право на глас. Но, на денешното гласање Русија доби поддршка само од Кина, а 13 други членки на СБ беа воздржани.

Нацрт-резолуцијата Русија ја поднесе на 15 март, а гласањето за неа беше неколкупати одложувано.

Генералното собрание на ОН денеска почна да разгледува друга резолуција, подготвена од Украина и уште дваесет земји и коспонзорирана од 100 држави, во која се наведува дека руската агресија е одговорна за растечката хуманитарна вонредна состојба во Украина.