Во одводот за туширање, но и во лавабото, може да се наталожат разни работи, од остатоци од сапун до влакна, па тој може да се затне или водата може да истекува многу бавно.

Кога оцетот и сода бикарбоната не помогнале, новинарката на британски „Експрес“ Анџела Патроне пробала трик што го препорачуваат водоинсталатерите.

„Иако многу луѓе предлагаат да се користи комбинација од бел оцет и сода бикарбона, јас го пробав двапати, но не забележав никакви промени. Потоа добив добар совет за чистење на одводот во фејсбук-групата Mrs Hinch Cleaning Tips“, напишала таа.

Многумина ѝ предложиле на Ангела да користи кристална сода, а една корисничка Сандра Томас открила дека водоинсталатерот тоа ѝ го препорачал.

„Тоа е фантастично соединение во кое се колне мојот водоводџија и открив дека веднаш го решава затнувањето на одводот. открила таа. Јас користам кристална сода за различни цели за природно чистење во мојот дом, како што се избелување чорапи и за омекнување на крпите“, рекла Сандра.

Како да го отзатнете одводот со кристална сода?

Кристалната сода е природна минерална сол која е растворлива во вода и не содржи избелувач, не содржи никакви ензими ниту фосфати, палмино масло ниту што било друго освен кристали од сода кои имаат својства на детергентн и помагаат да се елиминираат нечистотијата и маснотиите.

„За да го одзатнам одводот, загреав вода, но не до вриење, бидејќи зовриената вода може да ги оштети цевките. Истурив шолја кристална сода во одводот и оставив да отстои една минута“, напишала Анџела.

„Потоа внимателно сипав врела вода полека во одводот и ја оставив уште една минута. Потоа, пуштив вода од славината/тушот и одводот се одзатна. Ако ова не функционира првиот пат, повторете ја постапката два или трипати“, истакнала таа.

Кристалната сода се користи за чистење и миење дрвени, инокс, стаклени и керамички површини.