Сопственик на бензинска пумпа во Јужна Каролина во понеделникот бил обвинет за убиство откако застрелал и убил 14-годишно момче за кое мислел дека краде шишиња со вода. Рик Чоу (58) е уапсен и обвинет за убиството на Сајрус Кармак-Белтон во градот Колумбија, соопшти канцеларијата на шерифот на округот Ричленд.

Шерифот Леон Лот на прес-конференција во понеделникот изјавил дека момчето не крадело од бензинската пумпа на „Шел“.

„Тој не украл ништо. Нема докази за тоа”, рекол Лот, додавајќи дека дошло до вербална расправија помеѓу сопственикот и Сајрус пред детето да се обиде да побегне.

Чоу и неговиот син потоа го бркале тинејџерот кон станбен комплекс. Сајрус бегајќи паднал, а откако станал Чоу му пукал во грб. Синот на сопственикот на бензинската пумпа тврдел дека 14-годишното момче имало пиштол. Во близина на телото на тинејџерот полицијата пронашла огнено оружје, но засега не се знае точно на кого му припаѓа.

„Дури и да украл четири шишиња вода, дури и да го направил тоа, тоа не е причина да пука во никого, а камоли на 14-годишник“, изјави Лот.