Тешка сообраќајна несреќа се случи попладнево на експресниот пат Прилеп–Градско, при што тешко се повредени возачот на возило „Фолксваген Поло“ со скопски регистарски ознаки и 11-годишно дете кое се наоѓа во критична состојба. Уште едно лице, сопатник во возилото, е полесно повредено и му е укажана лекарска помош во велешката болница.

– Несреќата се случила во остра лева кривина, кога возилото излетало од коловозот, поминало низ оштетена дел од заштитната ограда и паднало околу 40 метри надолу во населено место – соопштија од Основното јавно обвинителство.

Јавен обвинител од Основното јавно обвинителство Велес изврши увид на лице место и издаде наредби за технички преглед на возилото, проверка за присуство на алкохол кај возачот, како и собирање биолошки и други траги за натамошна истрага.

Тешко повредените се префрлени на Клиничкиот центар во Скопје.