Поранешниот ракометар на Вардар, Кристијан Дисингер и официјално стана македонски зет, стапи во брак со Марија Андоновска.

Освен што стана македонски зет, Дисингер е и баџанак со Игор Карачиќ, бидејќи сопругата на Хрватот, Душица е сестра на избраничката на германскиот ракометар.

Така може да се заклучи дека периодот во Вардар со кој станаа и европски шампиони дефинитивно го одбележал нивниот живот. На сето тоа тука е и уште еден екс-вардарец и тоа Тимур Дибиров кој е нивни кум.

Карачиќ денес е член на Кјелце со кој неодамна играше финале во Лигата на шампионите против Магдебург, Дибиров го носи дресот на Загреб, а Дисингер игра за катарскиот Ал Духаил.