Со одлука на владата на Црна Гора: „Монтенегро Ерлајнз“ се гаси, се формира нова компанија
Владата на Црна Гора нема ниту една законска основа за продолжување на животот на „Монтенегро Ерлајнз“, компанијата ќе биде згасната и, истовремено, е најавено формирање на нова, пренесува vijesti.me.
– Не можеме да донесеме да донесеме ниту една законска одлука со која би помогнале на „Монтенегро Ерлајнз, соопшти попладнево Младен Бојаниќ, министер за капитални инвестиции во владата на премиерот Здравко Кривокапиќ, на денешната прес-конференција во Подгорица.
Ваквата најава од Бојаниќ значи приземјување на флотата на „Монтенегро Ерлајнз“ во најкус можен рок. Тој притоа најави формирање на нова компанија со основачки капитал од Владата, но и нејзина оперативност до претстојната туристичка сезона.
Бојаниќ додаде дека штетата по црногорскиот буџет со згаснување на „Монтенегро Ерлајнз“ ќе изнесува 50 милиони евра, а на вработените им порача дека ќе добијат се што им следува по закон.