Балканска страница на „Редит“ се „запали“ откако српска снаа го презентираше својот случај.

„Пред сѐ, ова е вистина. Затоа ве молам коментирајте имајќи го тоа предвид“, почна жената која се претстави како Турчинка мажена за Црногорец, „кој се смета себеси за Србинка и е многу конзервативна и патриотска личност“. А потоа дополнително ја „искомплицира“ ситуацијата, пренесува „Нова.рс“.

„Пред неколку години направив ДНК тест бидејќи имам дедо од Тузла и сакав да ги дознаам моите корени – во што не успеав – 40% грчки, 33% турски и други. Потекнувам од многу секуларно семејство, па навистина не ми е гајле дали сум 100% Гркинка. Јас сум Турчинка. Го сакам Ататурк и земјата што ја изградивме заедно. Па оваа година го замолив сопругот да го направи тестот. Тој на почетокот се двоумеше, но на крајот рече во ред, бидејќи генерално многу зборувам. И се покажа дека тој е 59% Албанец. Ни јас не го очекував тоа. Сега ми е жал, бидејќи тој молчи во врска со тоа. Се обидувам да кажам „во ред е, Албанците и Грците беа тука пред да дојдат нашитеи сосем е нормално да имаме нивно потекло“. Но, гледам дека поради ова ќе ми замери“, напиша таа.

My Serbian husband is in depression (I think)
byu/Galatiandisgrace inAskBalkans

Нејзините прашања за заедницата на оваа мрежа се: „Дали постои начин еден многу националистички Црногорец (тој им кажува на сите дека ми го дал презимето како одмазда за своите предци, како шега. Таков патриот) да се чувствува опуштено откако ќе открие дека е 59% Албанец? Не ја знам историјата детално, дали имало време кога Србите и Албанците биле во добри односи и можеби се бореле заедно против Османлиите или нешто слично? Подготвена сум да ја преземам вината како поранешен Османлија. Само сакам тој повторно да биде опуштен, бидејќи тој навистина е, а можеби дури и да му купам ѓердан со двоглав орел како шега, но прво морам да го утешам“, заклучи таа.

Како што се очекуваше, нејзината објава привлече големо внимание, иако луѓето не се сосема убедени – многумина велат дека „не им е гајле дали е вистина или не – секаско е урнебесно“.

„Српски националист од Црна Гора, кој е 2/3 Албанец, оженет со кемалистка, турско-грчка жена со босанско потекло, која прашува дали треба да му купи ѓердан со две глави“ е реченица за која никогаш не помислив дека ќе ја употребам“, читателите беа шокирани и веднаш почнаа да се шегуваат.

„Вашите деца ќе го обединат Балканот“; „Добредојде во семејството, дали е заинтересиран да дојде на скара оваа недела во мојот патриотски клуб од 100% албанско наследство?“, продолжуваа коментарите, иако имаше и такви кои всушност се обидоа да дадат значаен одговор на презентираната ситуација.

„Ако ништо друго, ова може да биде добра можност и за двајцата да сфатите дека она што е во вашата крв не ве прави тоа што сте. Не е важно дали сте црни, бели, портокалови или сини. Сите имаме црвена крв. Сите сме луѓе и националностите не треба да ги делат луѓето, туку да ги зближат преку споделување на нашите култури. Искрено, немам никаков совет за тоа како можете да пристапите кон оваа ситуација, освен еден. Наместо вие и вашиот сопруг да уживате во вашиот секојдневен живот, дозволувате национализмот/патриотизмот да ве дефинира кои сте и тоа да влијае негативно врз вас. Оставете го ова настрана, не е важно.“