Контроверзниот американски рапер Канје Вест ќе го одржи својот единствен европски концерт во јули во словачката престолнина, објавија организаторите на фестивалот, предизвикувајќи широки критики од групите поради претходните неонацистички изјави на музичката ѕвезда, пренесуваат странските медиуми.

„Хип-хоп визионер, културна икона и контроверзен гениј: Је ќе настапи на 20 јули 2025 година во Братислава“, напишаа од фестивалот „Рубикон“ на својата веб-страница.

Опишувајќи ја посетата на 48-годишниот музичар како „глобална сензација во срцето на Европа“, додадоа дека ова е неговиот единствен потврден настап во Европа оваа година.

Но, во Словачка, повеќе од 3.000 луѓе потпишаа петиција против неговата посета на земјата, а две групи го обвинуваат за „отворено прифаќање“ нацистичка идеологија.

„Концертот на Канје Вест во нашиот град и нашата земја ги навредува нашите сеќавања и го величи насилството што ги понижува жртвите“, се вели во соопштението.

Некогаш славен по својата музика, наградена со 24 Греми награди, раперот, кој сега е познат под името Је, во последниве години даде бројни антисемитски и пронацистички изјави.

Во мај, тој објави песна „Heil Hitler“ (Да живее Хитлер“) во која му оддава чест на Хитлер. Оттогаш, таа е емитувана милиони пати на социјалната мрежа Икс, откако беше забранета од други платформи, вклучувајќи го и Јутјуб.

Фестивалот Рубикон, кој се смета за главен рап настан во централноевропската земја, е закажан за 18-ти и 20-ти јули. Во програмата се и американските рапери Офсет и Шек Вес.

Канје Вест почна да продава маици со кукасти крстови