Фото: Принтскрин/Фејсбук

Прочуениот слаткар од Милано прави сладолед со помош на вештачката интелигенција: Дали би го пробале?

Сопственик на продавница за сладолед во Милано користи ChatGPT за да создаде нови вкусови на сладолед.

Слаткарите во Милано, особено оние што ги прават прочуените сладоледи џелато, се свртуваат кон вештачката интелигенција (ВИ) за да создадат нови рецепти, потпирајќи се на модерната технологија за да добијат нови вкусови на замрзнатото слатко задоволство. Иако сè уште ги користат традиционалните методи, италијанските производители на сладолед се потпираат на Чет Џи Пи Ти (ChatGPT) и други алатки за вештачка интелигенција за да дојдат до нови рецепти, пишува „Тајм“.

Џанфранко Сампо (63), сопственик на слаткарницата „Тера“ во Милано и еден од водечките италијански производители на сладолед, ги внел во софтверот на ChatGPT и веб-страниците рецептите на производителите на сладолед што ги цени, по што вештачката интелигенција му понудила предлози за нови вкусови.

Врз основа на овие предлози, Сампо развил иновативни вкусови како што е сладолед од бела чоколада со карамелизиран црн пипер.

– Никогаш не сум размислувал да ги комбинирам овие состојки – рекол Сампо за „Тајм“.

Оттогаш, тој додал рецепти со помош на вештачката интелигенција во својот шербет и сладоледите, вклучувајќи сладолед од цимет со бадеми и коцки со круша динстани во просеко.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот