Слаба посетеност ја одбележа групната фаза на Светското клупско првенство
Нокаут фазата на Светското клупско првенство започнува денеска од 18.00 часот, кога на стадионот „Филаделфија“ ќе се сретнат фудбалерите на бразилските екипи Палмеирас и Ботафого, а подоцна од 22.00 часот ќе играат Бенфика и Челси во Шарлот.
Препорачано
Групната фаза од Светското клупско првенство беше обележана со ниска посетеност на стадионите низ САД, со околу 56,7 проценти од капацитетот исполнет за 48 натпревари во првата фаза.
Некои натпревари, како оние во Орландо, ги гледаа само 3.412 и 6.730 гледачи, а сличен случај беше и со Синсинати (5.282 и 8.239 гледачи).
Според податоците од Меѓународната фудбалска федерација (ФИФА), вкупната посетеност беше 1,67 милиони, од можни 2,95 милиони, што дава просек од 34.759 гледачи по натпревар.
Стадионот во Ист Радерфорд (Њу Џерси), каде што ќе се игра финалето на Светското првенство следната година, е полн само 44,9 проценти, додека стадионот во Пасадена (Калифорнија), кој беше домаќин на финалето на Светското првенство во 1994 година, беше полн 50 проценти.
ФИФА во соопштението наведува дека голем број навивачи од 168 земји купиле билети, „што јасно зборува за глобалната важност на настанот“.
Познати се сите двојки во осминафиналето на Светското клупско првенство
Реал Мадрид со најголема заработка досега на Светското клупско првенство
Реал Мадрид со најголема заработка досега на Светското клупско првенство
