Селекцијата на Аргентина со убедлива победа над домаќинот Јапонија го обезбеди местото меѓу осум најдобри на кошаркарскиот олимписки турнир во Токио.

Во рамките од групата „Ц“ Аргентинците триумфираа со 97:77 и како третопласирани се пласираа во четвртфиналето.

Луис Скола пред неколку месеци го прослави 41 роденден, но и натаму блеска на терените, овојпат во победата на „гаучосите“ забележа „дабл-дабл“ учинок од 23 поени и 10 скокови.

На спротивната страна за азискиот претставник доминираше Јудаи Баба со 18 постигнати поени.

Познати се сите учесници во четвртфиналето, тие се Франција, САД, Австралија, Италија, Словенија, Шпанија, Аргентина и Германија.

Пред жрепката за елиминациските борби, во првиот шешир ќе бидат Франција, Австралија, победникот меѓу Словенија и Шпанија, и САД, а во вториот шешир се Италија, поразениот од Словенија и Шпанија, Аргентина и Германија.