Бројот на заразени од коронавирус во Холандија се зголеми за 500 отсто минатата недла, јави денес холандскиот институт за јавно здравје, пренесува Бета.

Зголемувањето на бројот на заразени следуваше по укинувањето на речиси сите преостанати рестрикции и отворањето на ноќните клубови кон крајот на јуни.

Неделниот извештај вели дека речиси 52 илјади луѓе се позитивни на тестовите за ковид изминатата недела. Вршителот на должност премиер Марк Руте вчера и се извини поради избрзаното ублажување на мерките во земјата.

Холандскиот институт за јавно здравје соопшти дека инфекциите на кои може да им се лоцира изворот, покажуваат оти во 37 отсто случаи до заразување дошло во угостителски објект, бар или клуб.

И покрај алармантниот број новозаразени, сепак бројот на хоспитализации порасна за само 11 отсто. Над 46 отсто од популацијата во Холандија примиле најмалку една вакцина.

Во Русија за еден ден најмногу починати од ковид досега – дури 780