Синдикатот на фудбалери на Македонија објави уште една добра вест по вчерашното тестирање во фудбалскиот клуб Вардар.

Сите тестирани во таборот на „црвено-црните“ се негативни на Ковид-19 што претставува уште еден добар знак пред евентуалното продолжување на сезоната во Првата лига.

Вардарци кои до прекинот на сезоната поради пандемијата на коронавирус беа водечки во генералниот пласман, сега ќе можат да продолжат со тренинзи и да се подготвуваат за доигрувањето на првенството.

– Добра вест по вчерашното тестирање во ФК Вардар. Сите тестирани се негативни на Ковид 19. Денеска мобилна екипа на Аџибадем Систина беше во Виница и изврши тестирање на ФК Слога. Нивните резултати ги очекуваме утре – соопштуваат од СФМ.

Во текот на вчерашниот ден Синдикатот на фудбалери на Македонија информираше дека ФК Шкупи ќе се тестира на друго место од сопствен буџет.