Сите рекорди на најдобриот тенисер на сите времиња Новак Ѓоковиќ
Иако според голем дел од тениските и спортски фанови веројатно никогаш нема да биде обожаван како Рожер Федерер (Швајцарија) или Рафаел Надал (Италија), бројките го прават српскиот тенисер Новак Ѓоковиќ најдобар играч на сите времиња.
Препорачано
*24: Рекорден број грен слем титули. Со освојувањето на четвртата титула на „УС Опен“, Ѓоковиќ го израмни апсолутниот рекорд на Маргарет Корт од 24 Грен слем трофеи, кој го држеше од 1973 година.
ВИДЕО: „Мамба засекогаш“, Ѓоковиќ му оддаде почит на Коби Брајант
Српскиот ас го освои „Австралија Опен“ 10 пати (рекорд), „Вимблдон“ седум пати (една помалку од рекордните осум титули на Федерер), „УС Опен“ четири пати (Федерер, Пит Сампрас и Џими Конорс имаат по пет) и „Ролан Гарос“ трипати (Надал го држи рекордот од 14 титули).
Неговото одбивање во 2022 година да се вакцинира против ковид-19 го спречи да игра во Мелбурн и Њујорк. Тој го пропушти и „УС Опен“ во 2019 и 2020 година каде беше фаворит – прво поради повреда и предавање во осминафиналето, а второ поради дисквалификација. Во 2021 година, титулата во Њујорк му побегна кога Данил Медведев го спречи да го освои календарскиот Грен слем.
АТП: Ѓоковиќ се врати на врвот со голема предност пред Карлос Алкараз
Ѓоковиќ е единствениот играч во историјата кој го освоил секој од четирите Грен слем турнири најмалку трипати. Рој Емерсон, Род Лејвер и Рафаел Надал ги освоиле најмалку двапати, додека Рожер Федерер само еднаш го освоил „Ролан Гарос“. Кај тенисерките, Маргарет Корт, Штефи Граф и Серена Вилијамс исто така го имаат освоено секој Грен слем најмалку трипати.
*390: Рекорд по бројот на недели поминати на врвот на АТП листата, на која се врати по победата на „УС Опен“.
*36: Рекорд по бројот на одиграни финалиња на Грен слем. Тука Ѓоковиќ е далеку пред Федерер (31) и Надал (30) кај мажите, но и пред Крис Еверт (34) кај тенисерките.
Novak Djokovic continues to write history.@AustralianOpen | @rolandgarros | @Wimbledon pic.twitter.com/RrBFOQdiN6
— US Open Tennis (@usopen) September 11, 2023
*10: Рекорд по бројот на одиграни и освоени финалиња на „Австралија Опен“. Тој исто така одигра 10 на „УС Опен“, израмнувајќи го рекордот на Бил Тилден, а освои четири. Има и 10 финалиња на „Вимблдон“ каде само Федерер е подобар со 12. Надал одигра 14 на „Ролан Гарос“ и ги освои сите.
*4: Ѓоковиќ е единствениот играч кој освоил три од четирите Грен слемови четири пати во една сезона (2011, 2015, 2021, 2023). Тој исто така стигна до финалето на сите четири Грен слем трипати во една сезона (2015, 2021, 2023).
That's a lot of hardware. ? pic.twitter.com/eRPA0vxNMl
— US Open Tennis (@usopen) September 11, 2023
*88: Број на победи на „УС Опен“, зад Федерер (89) и Конорс (98). Победи 91 пат на „Вимблдон“, каде рекордот го држи Федерер (105). Тој има рекордни 89 победи на „Австралија Опен“. Надал го држи рекордот по бројот на победи на „Ролан Гарос“ со 112 триумфи, додека Ѓоковиќ е втор со 92 победи.
*361: Број на победи на Грен слем турнирите. За малку пред него е Федерер со 369 победи.
*96: Број на освоени турнири. Федерер освои 103, Надал 92, а пред сите е Конорс со 109.
*1076: Број на добиени мечеви, сè уште далеку зад рекордот на Конорс (1274). Тројца други играчи ја надминаа границата од 1000 победи – Федерер (1251), Лендл (1068) и Надал (1068).
Age is just a number ? pic.twitter.com/JVABRYTQOr
— US Open Tennis (@usopen) September 10, 2023
*7: Рекордни седум години колку што ја завршуваше сезоната како број еден на АТП листата, што е една повеќе од неговиот идол Пит Сампрас. Федерер и Надал имаат по пет.
*27:23 и 30:29: Број на победи и порази против Федерер и Надал. Ѓоковиќ има позитивен учинок против неговите два најголеми ривали – против Федерер 27 победи со 23 порази, против Надал 30 победи и 29 порази.
*39: Рекорден број мастерс титули. Ѓоковиќ е и единствениот играч кој ги освоил сите девет турнири во оваа категорија и тоа повеќе од еднаш.
*6: Рекорден број освоени титули на завршниот Мастерс во сезоната. Тој го израмни рекордот на Федерер минатиот ноември во Торино кога го освои турнирот на кој секоја година се собираат осумте најдобри играчи во сезоната.
When Novak Djokovic broke the men's Slam record, the media never gave him credit for it. Instead, they tried to diminish him by comparing him with the WTA.
Each time they put a new challenge in Djokovic's way, he answers by doing something even more impressive.
24 and counting. pic.twitter.com/lfNmyWILHU
— Danny ? (@DjokovicFan_) September 11, 2023
*15: Рекорден број освоени тај-брејкови по ред на Грен слем турнирите. Тој го постави овој рекорд (три повеќе од стариот рекорд на Сампрас) за време на неговото полуфинале на „Вимблдон“ против Јаник Синер. Статистика која го докажува неговото психолошко влијание врз противниците. Последен кој оттогаш му зеде тај-брејк на Грен слем турнир беше Французинот Енцо Куако во второто коло на последниот „Австралија опен“.
*36 години и 111 дена: Ѓоковиќ стана најстариот победник на „УС Опен“ во модерната ера (од 1968 година). Во јуни тој стана најстариот победник на „Ролан Гарос“ со 36 години и 20 дена. Најстариот грен слем шампион е Кен Роузвол, кој имаше 37 години и два месеци кога го освои „Австралија Опен“ во 1972 година.
