Синот на принцезата Метe-Марит, Мариус Борг Хоиби (27) завршил во притвор, јавуваат норвешките медиуми.

Мариус доби 30 часа притвор поради инцидент во стан во Осло, наводно пријавен од 20-годишна жена. Како што тврди таа, Мариус ја нападнал психички и физички, а таа била хоспитализирана поради потрес на мозокот, пренесува „Пипл“ (People).

Мариус е син на Метe-Марит од нејзиниот прв брак, а идниот крал, принцот Хакон, е негов очув. Адвокатот на Мариус изјавил дека неговиот клиент е пријавен за телесни повреди, а полицијата подетално соопштение за инцидентот објави ден подоцна, во средата.

„Полицијата излегла на терен по пријава за насилничко однесување во ноќните часови во стан во Осло. Уапсен е 20-годишен млад човек, кој следниот ден бил пуштен од притвор“, соопштија и потврдија дека тоа бил посинок на престолонаследникот.

„Жртвата е згрижена, но засега немаме информации дали се здобила со тешки повреди“, велат оттаму.

Поради сето ова, мајката на Мариус, принцезата Мете-Марит, се откажала од заминувањето во Париз на Олимпијадата и останала во Норвешка.

„Принцезата привремено го одложи своето патување и се надева дека ќе може да замине подоцна“, соопштија од палатата.