Вториот рекет на светот, Јаник Синер, со сигурна игра и без многу мака го мина првото коло на турнирот во Пекинг, совладувајќи го искусниот Марин Чилиќ со убедливи 2-0 во сетови (6-2, 6-2).

Хрватот успеа да парира само на стартот од двата сета во првиот до резултат 2-2, а во вториот до 1-1,  потоа следеше доминација на Синер кој лесно ги затвори двата сета за триумф и пласман во следната рунда.

Италијанецот уште еднаш покажа зошто се наоѓа меѓу водечките на АТП листата, а во следната рунда ќе се сретне со Французинот Атман.

Во меѓувреме, и Карлос Алкараз имаше настап, но на турнирот во Токио. И покрај тоа што се соочи со мала повреда, младиот Шпанец успеа да стигне до победа во два сета, продолжувајќи го својот поход во јапонската престолнина.

Преземено од: Спорт.ком.мк

ВИДЕО | Карлос Алкараз се повреди во Токио