За минимално нормален живот месецов биле потребни 65.507 денари по семејство, вели ССМ
Вредноста на синдикалната минимална кошница за август 2025 година изнесува 65.507 денари, што претставува зголемување од 179 денари во споредба со јули, кога изнесувала 65.328 денари. Во споредба со периодот пред укинување на активните владини мерки, кошницата е зголемена за 2.816 денари или 4,49 отсто, соопштуваат од Сојузот на синдикатите на Македонија.
Препорачано
Од ССМ посочуваат дека со изнајмен стан од 60 квадрати, вкупните трошоци во август достигнуваат 80.882 денари.
Во категоријата храна и пијалаци, вредноста за август е 24.064 денари, што е зголемување од 382,00 денари во однос на јули. Во однос на претходниот период, по укинувањето на мерките, оваа категорија бележи раст од 2.584 денари, односно 12,09 отсто.
Од другите категории, како што посочуваат од ССМ, трошоците за облека и обувки се намалени за 114 денари, за лична хигиена има намалување од 74 денари и за транспортот се намалена за 16 денари.
