Американскиот претприемач и сопруг на Синди Крофорд, Ренди Гербер го прослави својот 63-ти роденден, а по тој повод неговата сопруга му честиташе за роденденот преку социјалните мрежи.

Синди сподели фотографија од Ренди на својот Инстаграм профил со емотивен опис.

„Среќен роденден на човекот чие внимание кон деталите го прави животот подобар за сите околу него. Без разлика дали станува збор за составување совршена плејлиста за секоја пригода или за сознавање за нешто ново, кул пред сите ние воопшто да чуеме за тоа. Она што најмногу го сакам кај него е неговата посветеност на нашето семејство и неговото чувство за забава. Те сакам, љубов“, напиша таа во описот на објавата.

Нејзината честитка трогна многу следбеници, кои се придружија со прекрасни честитки. Синди и Ренди минатата година прославија 26 години брак и 29 години врска, а освен што се познати како еден од најдолготрајните парови, начинот на кој се запознале е особено интересен.

 

View this post on Instagram

 

A post shared by Cindy Crawford (@cindycrawford)

Синди и Ренди првпат се запознале на свадбата на нејзиниот агент, а на самиот почеток, како што тврделе, меѓу нив немало ништо повеќе од пријателство бидејќи и двајцата биле зафатени. Синди во тоа време сè уште била во брак со Ричард Гир, додека Гербер исто така бил во врска.

Нивното пријателство прерасна во романса во 1995 година, кога Синди официјално го заврши бракот со Гир и одлучи да му даде шанса на Ренди.

Синди и Ренди првпат се појавија јавно заедно на премиерата на филмот „Денот на татковците“ во 1997 година, а од бракот имаа две деца, синот Пресли и ќерката Каја.