Ракометната Федерација на Македонија ја информира јавноста дека РФМ и Симе Симовски совзаемно се спогодија да ја прекинат соработката за ангажманот на женските национални селекции.

Ракометната Федерација на Македонија упатува благодарност за досегашниот ангажман на Симовски кој ја извршуваше оваа функција непречено во периодот септември 2015 – април 2021 година.

Управниот Одбор на РФМ во периодот кој следи ќе назначи нов вршител на функцијата Селектор на женските национални селекции.

Потсетување дека нашата женска сениорска репрезентација беше двапати убедливо поразена во баражот за учество на Светското првенство од Романија.

На првиот дуел во Букурешт загубивме со 33:22, а вчера на реваншот во Скопје со резултат 20:35.