Унгарскиот министер за надворешни работи Петер Сијарто порача дека украинскиот претседател Володимир Зеленски треба да зборува со поголема почит за Унгарија, нагласувајќи дека Украина е зависна од поддршката на ЕУ, „каде што без согласност на Будимпешта не може да се донесе ниедна одлука – без разлика дали тоа му се допаѓа на Зеленски или не.

Сијарто на социјалната мрежа „Икс“ реагираше на изјава на Зеленски, кој претходно повика Европа да го следи американскиот претседател Доналд Трамп и да престане да купува руска нафта, додавајќи дека „кратковидо е да се оди против САД“ и дека „народот на Унгарија треба јасно да го чуе тоа“.

We expect even @ZelenskyyUa to speak about Hungary and Hungarians with respect, especially given that Ukraine depends heavily on support from the European Union, where no decisions are made without Hungary—whether he likes it or not. https://t.co/3mkQqUgy2O

— Péter Szijjártó (@FM_Szijjarto) October 2, 2025

За потсетување, пред неколку дена Брисел го поздрави планот на претседателот на Европскиот совет, Антонио Кошта, да го заобиколи ветото на Унгарија и да продолжи со кандидатурите за членство на Украина и Молдавија во ЕУ.

Според предлогот на Кошта, квалификувано мнозинство од земјите би гласало за отворање на преговарачките кластери за двете земји. Постојните правила бараат сите 27 земји-членки на ЕУ да дадат зелено светло за секоја фаза од процесот на пристапување.

„Можноста за овластување на Советот да одлучува со квалификувано мнозинство би можела да се истражи за одредени привремени чекори во процесот на проширување“, изјави денеска Гијом Мерсие, портпарол на Европската комисија за проширување.

Орбан: Украина не е суверена земја, таа е финансирана од ЕУ, а Западот ѝ дава оружје