После дебаклот против градскиот ривал Атлетико Мадрид (3:7) во рамките од Интернационалниот куп на шампионите, фудбалерите на Реал претрпеа пораз и во полуфиналето на традиционалниот „Ауди куп“.

Клучниот момент се случи во 22 минута кога Марсело имаше лошо додавање, практично му асистираше на Кејн на кој не му беше тешко да го совлада Навас.

До крајот на првото полувреме видовме два непрецизни обиди на Бензема и уште една шанса за Кејн, но резултатот не се менуваше.

Покетино на паузата замени дури девет играчи, Реал се закани во 57 минута преку Азар, но одбраната на премиерлигашот успеа да интервенира во последен момент. „Кралевите“ успеаја да постигнат гол во 75 минута, но истиот на Родриго беше поништен поради офсајд позиција.

Во финалето Тотенхем ќе ги одмери силите против Баерн Минхен кој во втората полуфинална пресметка убедливо со 6:1 го совлада Фенербахче.