Многу луѓе уживаат во есенско-зимскиот период, тоа е времето во годината кога можете да уживате во удобноста на вашиот дом, пријатните топли џемпери, вкусните топли напитоци или едноставно да уживате во прекрасниот процес на транзиција на природата.

За жал, со студеното време доаѓаат и низа болести кои се „активираат“ од ниските температури. Всушност, има многу чудни работи кои се случуваат на нашето тело во текот на овие ладни месеци.

Но, спиме подобро. Тоа е затоа што е постудено и голем дел од времето е потемно надвор. Дури и појасно размислуваме кога паѓаат темературите – се објаснува во студија објавена во „Psychological Research“ во 2017 година.

Честа појава на суви усни

Сувите усни се навистина честа појава во есенско зимскиот период. Тоа се случува поради недостаток на влага во воздухот. Исто така, во текот на овие ладни месесци постои висока распространетост на настинка и грип, што значи дека веројатно ќе дишете повеќе преку устата. Иако воопшто не е препорачливо, дишењето преку уста прави устата да се суши, а тоа значи и помалку производство на плунка. Плунката е важна затоа што се бори против оралните инфекции во усната шуплина.

Сепак, има нешто што можете да го направите доколку и вие го имате истиот проблем. Едноставно пијте повеќе вода – тоа ќе ви помогне да останете хидрирани а со тоа ќе ја подобрите функцијата на намаленото производство на плунка во устата. Избегнувајте работи што можат дополнително да предизвикаат сувост на устата како што се зашеќерени безалкохолни пијалоци, пијалоци со кофеин, алкохол и цигари.

Гумите за џвакање и бонбоните без шеќер можат да помогнат во зајакнувањето на производството на плунка.

Покачување на шеќерот во крвта

Дали знате дека повеќе луѓе имаат дијагностициран дијабетес во зимските месеци? Станува збор за одреден еволутивен процес. Праисториските податоци покажуваат дека човекот кога доживува драматичен пад на температурата телото го забавува производството на инсулин како начин да се справи со тоа.

Зголемена телесната тежина

Д-р Пери Барет, виш научен соработник на Универзитетот во Абердин, за „Daily Mail“ изјави дека нивото на мелатонин, „хормон кој делува на апетитот“, значително се зголемува во есен и зима. Дополнително, нашата исхрана има тенденција да се менува во постудените месеци.

„Во зима, одиме на енергетски густа, калорична храна, која има тенденција да биде послатка и во поголеми количини“, вели д-р Барет.

Ниските нивоа на витамин Д, кој го добиваме од сончевата светлина, е исто така фактор за зголемување на телесната тежина во зима. Студија од 2017 година открила дека недостаток на сончева светлина може да ја зголеми способноста на масните клетки да складираат маснотии. Дополнително, „повеќе се плашиме од глад отколку што се плашиме од поголема тежина, така што желбата да се јаде е посилен мотивирачки фактор“, се вели во „CBC Wellness“. Бидејќи храната може да биде „скудна“ во текот на зимските месеци, ние сме поподложни на нашите еволутивни нагони.

Честа појава на мигрена

Есенско зимскиот период може да ве направи посклони кон мигрена. Да, временските промени можат да бидат тригер за активирање на мигрената. Ладните и суви услови во комбинација со топли температури во затворени простории можат да доведат до дехидрација. Дополнитено, преодите од есен во зима и зима во пролет може да значат и барометарски промени во притисокот со што главоболките стануваат почести.

Сува кожа

Веројатно сте забележале дека вашата кожа, особено рацете ви стануваат посуви во текот на зимата. Тие можат да добијат лушпесто црвена боја. И кога кожата е сува, може да предизвика чешање. Сето тоа се препишува на недостаток на влага во воздухот. Зимата има мала влажност, а топлината во затворените простории има ефекти на сушење.

Продуктите за навлажнување на кожата се првиот чекор во лекување на оваа состојба. Колку е помрсен навлажнувачкиот крем, толку е поефикасно. Некои од најефикасните и најмалку скапите опции се вазелинот и минералните масла, брзи дневни тушеви со млака вода и нанесување на креми веднаш по капење или миење раце.

Чести болки во зглобовите

За време на ладните месеци, луѓето со артритис или ревматоиден артритис може да имаат позасилена болка во згобовите од вообичаено. Болката може да се вложи од студот поради емоционална реакција на пониски температури.

Зимата може да ги влоши проблемите со астма

Зимското време не е погодно за луѓето со астма. Студениот воздух самиот по себе е предизвикувач, а астматичарите можат да бидат чувствителни и на нагли промени на температурата. За некои луѓе проблемите со астмата се влошува и со самиот факт дека тие дишат повеќе ладен воздух преку устата.

Обидете се да избегнувате директна изложеност на студ, но кога е неизбежно, покријте го носот и устата и обидете се постојано да дишете низ нос.

Мокрењето е почесто

Дали сте забележале дека повеќе мокрите во текот на зимата? Оваа појава е наречена ладна диуреза.

Од „Arkansas Urology“ оваа состојба ја опишаа како „начин на зачувување на топлината на телото кога чувствува дека може да бидете во опасност од хипотермија“. Објаснувањето може да се сумира вака – Крвните садови се стеснуваат, предизвикувајќи зголемување на крвниот притисок, што предизвикува бубрезите да го филтрираат вишокот течност.

Во моментов, нема научно истражување кое дефинитивно може да ни каже дали одредена температура, временски период на изложеност на студ, возраст или друг фактор предизвикува ладна диуреза.

За среќа, доколку ви се случува почесто мокрење во студените периоди, бидете сигурни дека тоа веројатно не е знак на нешто премногу сериозно. Обидете се да се облекувате топло и обрнете внимание дали пиете доволно вода, особено кога сте изложени на директен студ.