Актуелниот македонски фудбалски шампион Шкупи ја информираше јавноста дека е парично казнет од Европската фудбалска унија (УЕФА).

Како што вели во своето соопштение за јавноста, клубот од Чаир отсекогаш ја цени поддршката од навивачите во текот на натпреварите.

Но, понекогаш се случуваат сцени кои воопшто не се посакувани во фудбалот..Причините за паричната казна се недоличното однесување на навивачите, политичко скандирање и користење пиротехника.

– Поради некои настани предизвикани од некои неодговорни навивачи на мечевите во Европа и од последниот натпревар во Чаир, нашиот клуб е казнет од УЕФА со парична казна од 44.000 евра – се вели во соопштението на ФК Шкупи.

Чаирчани повикуваат да се спречат повторување на вакви сцени и да се поддржи ФК Шкупи како што му доликува.