Денеска во пријателски натпревар одигран на Рејнпарк стадионот во Вадуц фудбалската репрезентација на Шкотска славеше со 4:0 против Лихтенштајн.

Гол серијата ја почна Адамс во четвртата минута, а истиот играч ја зголеми предноста во 26 минута.

Во 48 минута Хирст се погрижи за 3:0, а асистентот на тој погодок Адамс го комплетираше својот хет-трик во самиот финиш од средбата (90+4`).

Лихтенштајн е следниот противник на Македонија во квалификациите за пласман на Светското првенство 2026.

Македонија се очекува во Скопје на 7 септември годинава да ја оправда фаворитската улога и да остане во трка за учество на Мундијалот.