Хрватската пејачка Северина Вучковиќ и нејзиниот поранешен партнер Милан Поповиќ повторно го делат старателството над синот Александар, потврди тимот на пејачката.

Жупанискиот суд во Сплит ја повтори претходната конечна одлука, според која таткото и мајката се обврзани „договорно, заеднички и рамноправно да ја вршат родителската грижа“.

Сега, Северина се огласи преку својот инстаграм-профил откако судот ѝ го врати синот.

„Животот ме научи дека љубовта се враќа со љубов. Така беше и во изминатите четири недели (од пресуда до пресуда). Затоа, им благодарам на сите за неверојатните 28 дена љубов и поддршка со кои ме опсипавте. Ме хранеше со силата што ја насочив кон мојот син. Но и да им помогне на другите. Различни. Секој кој доживеал тага знае како е да се живее со тага. За жал, јас сум една од тие луѓе и затоа ве разбирам сите. Единствената помош што можеме да си ја пружиме е поддршката! На секој човек на кој му е направена неправда, на кој се гледа различно, на кој нема заштита. Јавно, сега и веднаш. За да бидеме добро општество, добра земја – сите граѓани мора да бидат еднакви, еднакви пред законот, но пред сè еднакви во срцето“, напиша таа.

Пејачката најави и објавување на нова кампања со која е „исклучително горда“.

„Посветена е на луѓе кои не се гледаат како „нормални“, на „болни луѓе во општеството“, кои едвај се прифатени од околината, а се исти како нас. А единствените „болни луѓе од нашето општество“ се оние кои јавно ги осудуваат „различните“, кои би им ги одзеле правата и еднаквоста“, додаде пејачката.

Судот ѝ го врати синот на Северина: „Нема да запрам тука, ќе барам целосно старателство“