Националната администрација за океан и атмосфера (НОАА) соопшти дека прелиминарниот изештај за страшните олуи покажува дека дури 52 торнада се појавиле во понеделникот во осум држави во САД.

Засега нема информации за евентуални жртви од серијата на торнада кои го зафатиле средниот дел на Америка.

Според извештајот на НОАА, 14 торнада се случиле во Индијана, 10 во Колорадо и 9 во Охајо.

Шест торнада биле пријавени во Ајова, пет во Небраска, четири во Илиноис, три во Минесота, додека едно торнадо било пријавено во Ајдах на запад.

Властите во Дејтон (Охајо) информирале дека серијата на торнада предизвикале неколку поситни повреди кај лица, но дека немало смртни случаи во градот.

Околу пет милиони луѓе вкупно останале без струја, што се случило поради силните торнада.