Џан Пјеро Вентура кој беше селектор кога Италија одигра два натпревари против Македонија (1:1, 3:2) во квалификациите за пласман на СП 2018 година во Русија, доби нов отказ во Серија Б.

Вентура кој ќе остане запомнет како селектор кој за прв пат не успеа да ги однесе „аѕурите“ на Светско првенство, доби отказ во Салернитана.
Првиот човек на тимот од втората лига е претседателот на Лацио, Клаудио Лотито по натпреватот на Салернитана против Специја (1:2) во Серија Б го нарече Вентура лудак поради неговите измени на овој дуел и потоа му врачи отказ.

Салернитана потврди дека 72-годишниот Вентура повеќе не е тренер откако сезоната во Серија Б ја заврши со скор од 14 победи, 10 нерешени натпревари и 14 порази со што на крајот го освои 10. место.