Ако не сакате да се здебелите, треба да се фокусирате на балансиран внес на зеленчук, протеини, здрави масти и сложени јаглехидрати. Предложените оброци се заситувачки, вкусни и лесни за варење.

За сите оние жени што сакаат да ослабат, ви претставуваме предлог мени за следните 7 дена. Станува збор за здрави и балансирани оброци. Сè што треба да направите е да водите сметка да не се прејадувате и вашиот појадок и вечера да бидат исто така лесни.

Понеделник

Ден 1 – Пилешка салата со киноа и авокадо

Состојки:

– 100 г пилешко на скара
– 50 г варена киноа
– ½ авокадо
– чери домати, рукола, краставица
– маслиново масло, сок од лимон, сол, бибер

Подготовка:

Сварете ја киноата, испечете го пилешкото, измешајте ги готовите состојки, додадете чери домати, рукола и краставица. Направете прелив од половина авокадо, маслиново масло, сок од лимон, сол и бибер.

Вторник

Ден 2 – Зеленчук на пареа со тофу

Состојки:

– 150 г тофу сирење
– брокула, пиперки, тиквички, моркови (по еден грст од секој зеленчук)
– лажица соја сос, малку маслиново масло, лук

Подготовка:

Тофуто пропржете го во малку масло, додадете зеленчук и динстајте на тивок оган околу 10 минути со соја сос. По желба, наросете со сусам.

Среда

Ден 3 – Супа од леќа и зеленчук

Состојки:

– 100 г црвена леќа
– кромид, морков, целер, лук
– доматно пелато пире, маслиново масло, зачини

Подготовка:

Динстајте ги кромидот и другиот зеленчук, додадете леќа и доматно пире, прелијте со вода и гответе 20 минути додека не омекне. По желба, блендирајте во густа чорба (потаж). Можете да го понесете овој оброк во термос и да уживате во зготвеното јадење, без мака.

Четврток

Ден 4 – Печен ослиќ со зеленчук

Состојки:

– 150 г филе ослиќ
– тиквички, црвена пиперка, кромид, домат
– маслиново масло, лимон, оригано

Подготовка:

Рибата и зеленчукот ставете ги во огноотпорен сад, прелијте со масло и лимон, зачинете и печете 25 минути на 200 степени Целзиусови.

Петок

Ден 5 – Зелен оброк со јајца

Состојки:

– 2 варени јајца
– варен спанаќ или блитва
– 1 лажичка маслиново масло
– малку интегрален леб или компири (по желба)

Подготовка:

Сварете ги јајцата и компирите. Во подлабога тава, малку подинстајте ја сварената блитва, потоа додадете го лукот, а потоа и коцките од варените компири. Зачинете сè, а при сервирање, во тоа додадете ги и варените јајца.

Сабота

Ден 6 – Турски полнет модар патлиџан

Состојки:

– 1 голем модар патлиџан
– кромид, лук, домат, магдонос
– маслиново масло

Подготовка:

Исечете го и издлабете го модриот патлиџан и испечете го во рерна. Издинстајте ги кромидот, лукот и доматот во масло, додадете го магдоносот и со смесата наполнете го модриот патлиџан и печете уште 10 минути.

Недела

Ден 7 – Салата со туна и варено јајце

Состојки:

– 1 мала конзерва туна во сопствениот сок
– 1 варено јајце
– маслинки, рукола, краставица, пиперка, пченка (по желба)
– маслиново масло, оцет, зачини

Подготовка:

Сварете ги јајцата, па соединете ги со туната, маслинките, руколата, краставицата, пиперката и пченката по желба. Додадете го и преливот (дресинг) од маслиново масло, оцет и зачини по вкус.