Собраниската комисија за надзор на работата на Агенцијата за национална безбедност (АНБ) и Агенцијата за разузнавање денеска ќе одржи седница, на која ќе се разгледа Предлог-заклучок за вршење надзор над АНБ.

Со Комисијата ќе претседава Скендер Реџепи, согласно договорот што го постигнаа членовите и за кој бил информиран претседателот на Собранието Африм Гаши. По седницата, членовите со безбедносни сертификати ќе заминат во надзорна посета на АНБ.

Седницата беше закажана по иницијатива на пратеникот Љупчо Пренџов, откако во јавноста излегоа информации дека во периодот 2019–2024 година АНБ прислушувала политичари, новинари и бизнисмени, меѓу кои и сегашниот премиер Христијан Мицкоски.

Директорот на АНБ, Бојан Христовски, потврди дека документацијата е предадена на Обвинителството, а опозицијата бара нејзина декласификација. Мицкоски порача дека прашањето не е дали материјалите ќе се обелоденат, туку како да се спречат злоупотребите и да се воспостави одговорност.