Претходниот месец секретаријатот наведе дека 33 кинески компании ќе бидат ставени на „црната листа“ поради тоа што им помагаат на кинеските власти да го шпионираат муслиманското малцинство на северозападот од земјата, Ујгурите, како и поради поврзаноста на одредени компании со кинески воени програми за оружје за масовно уништување, пренесува „Ројтерс“.

Рестрикциите подразбираат дека кинеските компании и институции од американската „црна листа“ нема да може да продаваат американски производи или оние произведени надвор од САД со помош на американската технологија.