САД ќе ѝ се придружат на Финска во испраќањето опрема за борба против дронови во Данска за време на самитот на Европската унија оваа недела, соопшти данското Министерство за одбрана, откако над нордиската земја беа забележани дронови кои предизвикаа затворање на неколку аеродроми, објави АФП.

– Задоволни сме и благодарни што САД ја поддржуваат Данска со капацитети против беспилотни летала во врска со претстојниот самит – соопшти министерството на Икс.

Dermed har både USA, Storbritannien, Polen, Norge, Sverige, Finland, Tyskland, Nederlandene, Ukraine og Frankrig bekræftet deres støtte til Danmark.

— Forsvarsministeriet/Danish MoD (@Forsvarsmin) September 30, 2025

Копенхаген ќе биде домаќин на самитот на ЕУ во среда и четврток. Финското Министерство за одбрана потврди дека испраќа единица „способна за идентификување и неутрализирање на дронови“ во Данска за поддршка на безбедносните мерки за време на самитот.

Персоналот и опремата ќе бидат под команда и контрола на данските власти. Портпарол на финското министерство изјави за „Гардијан“ дека одлуката е одговор на барањето на Данска за учество во заштитата на воздушниот простор и борбата против беспилотните летала за време на меѓународните состаноци во Копенхаген.

Финската единица ќе биде под данска команда и контрола, а данските власти ќе преземат целосна одговорност за операцијата.