Двократната шампионка на Австралија опен, Белорусинката Арина Сабаленка денеска се пласираше во полуфиналето на турнирот во Мелбурн, откако во три сета со 6:2, 2:6, 6:3 ја совлада 32 светска тенисерка, Русинката Анастасија Пављученкова.

Светската тенисерка број еден победи по час и 53 минути и по 10-ти пат во кариерата се пласираше во полуфиналето на Грен слем турнир.

Сабаленка почна добро, направи брејк против Пављученкова во четвртиот и осмиот гем и го презема водството на мечот.

Русинката возврати во вториот сет, правејќи три брејка во однос на еден брејк на Сабаленка и го доби вториот сет.

Во првите четири гема тенисерките направија по два брејка, а потоа добиваа гемови на свои сервиси до осмиот, кога Сабаленка направи нов брејк и поведе со 5:3.

Потоа таа го доби гемот на свој сервис и по првата меч топка се пласираше во полуфиналето трета година по ред.

Сабаленка ќе игра против Шпанката Паула Бадоса, која претходно денеска ја совлада Американката Коко Гоф со 7:5, 6:4.