Рускиот систем за гласање е мета на масовни хакерски напади, вели шефот на изборната комисија

Апликација за електронско гласање во Русија / 18 септември 2021 / фото: ЕПА

Врз рускиот електронски систем за далечинско гласање, како и врз Интернет страницата на руската Централна изборна комисија извршени се голем број масовни кибер напади, но тие не влијаеја врз нивната оперативност, изјави денеска заменик-претседателот на руската Централна изборна комисија (ЦИК), Николај Булаев.

„Извршени се голем број напади, и на софтверскиот и на хардверскиот дел на комплексот, но заштитните системи успешно ги одбија сите напади“, изјави Булаев за ТАСС.

Кибер-нападите не предизвикаа никаква штета на изборниот систем, додаде заменик претседателот на руската ЦИК.

„Системот работи нормално, без прекини, и во Москва и на федерално ниво“, нагласи Булаев.

Денеска е втор ден од изборите за руската државна Дума, а гласањето завршува утревечер.

Видео на денот