Рускиот амбасадор во Авганистан, Дмитриј Жирнов вчера го пофали талибанското преземање на Кабул, и покрај тоа што во Русија тие се третираат како терористичка група. Тој вели дека талибанските групи за 24 часа го направиле Кабул побезбеден отколку што тој претходно бил под Ашраф Гани, пренесува Ројтерс.

Коментарите на Жирнов се одразуваат на нескриените напори на Русија да ги продлабочи своите веќе добро воспоставени врски со Талибанците, истовремено прекинувајќи го препознавањето на Талибанците како тврдокорна исламистичка група која владее со земјата, истата земја која Москва неуспешно се обиде да ја контролира во 1989-та година.

Русите тврдат дека и тие, како и останатите нации, се изненадени од брзината со која Талибанците го освоија Авганистан, земјата која долги години беше контролирана од американската војска.

Во интервју за руско радио, Жирнов изјави дека засега е изненаден од талибанското однесување, велејќи дека нивниот однос бил „добар, позитивен и настроен кон бизнисот“.

„Состојбата е мирна и добра и во градот се е како што треба. Состојбата во Кабул е подобра сега отколку што беше додека владееше Гани“ изјави Жирнов.

Од амбасадата на Русија велат дека во Кабул училиштата, вклучувајќи ги и оние каде има и девојчиња, функционираат како и претходно.

Талибанците ветија дека ќе ги заштитат руските дипломати, па поради тоа Русија е земја која не ги повлекува дипломатите од Авганистан.