Русија издаде потерница за шефот на украинските воени шпиони одговорен за воздушните удари врз Крим
Русија подигна обвинение против украинскиот шеф на воената разузнавачка служба ГУР генерал Кирил Буданов (37), и го стави на листата на најбарани лица.
„Киев пост“ објави дека Буданов бил обвинет во отсуство за терористички дела поврзани со повеќе од 100 напади со беспилотни летала на руска територија и на полуостровот Крим, кој Киев го смета за украинска територија, анектирана од Русија.
Андриј Јусов, портпарол на ГУР, за овој весник изјавил дека станува збор за „некаков вид криза на идентитетот во рускиот Гестепо“.
– Убеден сум дека Кирило Буданов воопшто не обрнува внимание на ваквите пропагандни заблуди – рече Јусов.
„Киев пост“ наведува дека Буданов е поранешен командос кој брзо се проби до самиот врв на украинското воено разузнавање и стана генерал на 35-годишна возраст.
Според извештаиоте генерал Буданов досега бил мета на најмалку десет руски обиди за атентат врз него, од кои во еден, при експлозија на автомобил, бил тешко ранет.
Се наведува дека освен Буданов, за тероризам поради нападот со беспилотно летало обвинети се и командантите на украинските воздухопловни сили, морнарицата и 383-та беспилотна авијација бригада.
⚡ The russian Investigative Committee accused the head of the Main Intelligence Directorate Kyrylo Budanov, commander of the Air Forces Mykola Oleshchuk, and commander of the 383rd separate brigade of remote-controlled aircraft of the Air Force Serhii Burdeniuk.
russia claims… pic.twitter.com/bieOJuQQno
— FLASH (@Flash_news_ua) October 3, 2023