Андреј Рубљов се пласираше во осминафиналето на грен слем турнирот Вимблдон, откако денеска во Лондон во третото коло го совлада 123 тенисер во светот, Французинот Адријано Манарино после три сета со 7:5, 6:2 и 6:3.

Рубљов забележа 14 асови во овој меч, додека Манарино освои осум поени директно од сервис. Рубљов за пласман во четвртфиналната фаза ќе игра против победникот од мечот Карлос Алкараз – Јан Ленард Штруф.

Осминафиналист е и Американецот Тејлор Фриц кој во четири сета го елиминираше Шпанецот Алехандро Давидович Фокина со 6:4, 6:3, 6:6 и 6:1

Во следното коло Фриц ќе се сретне против Австралиецот Џордан Томпсон кој со 6:4, 6:4, 3:6 и 6:3 триумфираше над Лучано Дардери од Италија.

Во женска конкуренција Германката Лаура Зигмунд со 6:3 и 6:3 оствари победа над осмата тенисерка на светот Медисон Киз од САД.

Зигмунд, која е 104 тенисерка на ВТА листата во осминафиналето ќе игра против Солара Сиера од Аргентина која со 2:1 (7:5, 1:6, 6:1) ја совлада Кристина Букса од Шпанија. Победи забележаа и А. Анисимова, А. Пављученкова, С. Картал и Л. Носкова.