Кристијано Роналдо неодамна лансираше канал на Јутјуб наречен „UR“ и ги собори сите рекорди за само неколку часа. Познатиот фудбалер, кого на сите социјални мрежи го следат 900 милиони луѓе, во првиот час и половина по лансирањето на каналот доби милион претплатници, со што го собори рекордот на Јутјуб.

За 10 дена откако го лансираше каналот, тој собра дури 53 милиони претплатници и влезе во Гинисовата книга на рекорди за најголем број претплатници стекнати за 24 часа.

„Доминацијата на Кристијано Роналдо на социјалните мрежи продолжи откако му беше доделен Гинисовиот рекорд за најмногу претплатници на Јутјуб за 24 часа. Официјалниот број на Јутјуб од 19.729.827 претплатници беше откриен во Гинисовата книга на рекорди претходно оваа недела“, објавија тие.

Инаку, покрај содржините поврзани со фудбалот, 39-годишниот фудбалер објавува и видеа од животниот стил, како она со неговата партнерка Георгина Родригез, кое го привлече вниманието на обожавателите затоа што ја нарече сопруга.

Покрај тоа, тој неодамна сподели видео во кое Џорџина ги оценува неговите модни комбинации од минатото, а видеото за само три дена собра повеќе од 17 милиони прегледи и два милиони лајкови.

Инаку, Роналдо најави дека каналот ќе биде полн со изненадувања и разновидни содржини преку кои фановите ќе можат подобро да го запознаат него и неговото семејство.